風水輪流轉，本地薑威了幾個月終於回落，阿爺出手撐內銀，外資盤全力掃貨，帶起中資股爆上。本欄昨推介的瑞年國際（2010）炒高6.6%，短線有力挑戰3蚊關；鋼鐵業現曙光，鞍鋼（347）再升2.3%，轉勢味濃。體育用品股持續反彈，但龍頭李寧（2331）因品牌定位欠佳，之前預告今年要輸錢，股價最為落後。不過，如行業見底回升，李寧憑藉其規模及網絡，應有力重拾昔日光輝。前日宣佈簽約NBA球星D. Wade，雖然代言費貴，但他於美國當紅，形象亦正面，李寧當花錢「洗底」亦化算，隨時引領股價大爆發。講起轉勢，紙業股亦值得留意。截至6月底，玖龍紙業（2689）全年純利14.2億人仔，按年倒退28%，毛利率由17.3%降至16%，負債比率達99.7%，經營狀況無疑係「走鋼線」。不過，主席張茵預期第三季行業已見底，第四季會將紙品價格每噸上調150人仔，明年再加價10%。花旗報告亦指，近期回收紙成本反彈，有利集團加價及毛利率回升。此外，阿爺遲早減息，每減0.25厘，玖紙可節省5000萬銀，有助負債比率回落。該股昨以破腳穿頭升3.1%，收4.68元，短線見5蚊唔難，中線以3月高位為目標，睇7.50元。魏力 http://www.facebook.com/2012jason