「維園阿哥」任亮憲喺立法會選舉傾力襄助白姐姐，冇功都有勞，所以就算白姐姐輸咗，任亮憲都毋須消失，因為白姐姐愛人謝偉俊好可能會接收任亮憲，遲啲任亮憲有「西環契仔」照住，唔知會唔會變成「西環契孫」？
前日謝偉俊宣誓後，急急腳走去同任亮憲食飯密斟合作大計。任亮憲話佢同謝偉俊都醞釀咗好一輪㗎喇，雖然未正式落實，但係都傾到七七八八，相信月內搞掂，之後佢就專責幫謝偉俊做公關，因為謝偉俊想搞好同傳媒關係喎。雖然任亮憲準備黐埋西環契仔嗰度，不過佢覺得自己嘅角色只係顧問，純粹係工一份，唔同黨派包括人民力量用得着佢的話，佢都會無任歡迎咁話。