鍾楚紅昨晚穿性感deep V出席Piaget活動，同場還有李美鳳、林熙蕾、賭王四太梁安琪、陳法蓉等。紅姑一身珠寶艷光四射，問到是否收藏好多珠寶？她說：「有啲，最貴嗰件係先生（朱家鼎）送嘅結婚戒指，唔好講幾多卡，都幾大，有紀念價值。」紅姑坦言好好珍藏亡夫送她的婚戒，她說：「我好難得買珠寶，如果買珠寶一定有收藏價值，手工好精緻，好少話買一粒石保值，我通常買款買手工。」
「唔敢有要求」
問紅姑想唔想搵個伴？她笑說：「冇得想，你哋幫我發消息，哈哈，我冇話抗拒，一切隨緣，冇咁易㗎。」問有甚麼擇偶條件？紅姑說：「唔敢有要求，你揀人人揀你，真係冇人追，俾人望多兩眼都要避一避。」
記者笑紅姑掛住種花是宅女，她鬼馬說：「你覺得咩，我成日蒲你唔知咋，唔好睇小我，講真我從來冇抗拒，但冇人吼我。」問到送名貴首飾能否打動她？她說：「我自己都有，唔使人送，物質打動唔到我。」
採訪：盧妹
攝影：仇志德