陸耀輝是心光盲人學校唯一一位入讀大學法律系的學生，副校長姚玉樺對他印象深刻，「佢相對同齡嘅同學沉實、認真，睇嘢多角度，失明學生多數揀社工系，冇人揀過法律呢科，佢願意挑戰自己，不過條路會好艱辛」。她寄語患病在床的耀輝趁此機會整理身心，重新上路，「要按自己能力定立目標，唔好畀自己咁多挫折」。耀輝前僱主陳柏林律師十分欣賞他的毅力，「好滿意佢嘅工作表現，試過同佢一齊上court都冇問題，而且佢思考好好，睇嘢好全面」。律師行人事部經理冼小姐稱：「我哋主要做民事（訴訟），有多啲時間畀佢適應，佢除咗睇嘢比人慢，工作能力完全冇問題」。若他日後康復，公司如有空缺，會視乎情況考慮重新聘用他。香港律師會發言人表示，通過專業考試並有認可資格，便可註冊成為執業律師，惟該會不會紀錄律師有否身體殘障。此外，律師每年底續牌時，該會會審視申請人的執業資格、身體狀況及進修情況等作審批。《蘋果》記者