趙世曾為女兒趙式芝豪擲五億招婿的鬧劇，成為電影題材，難得他仍然樂在其中，前晚帶同兩位性感美女現身歌劇首演禮，問到是否以五億拗直女兒時，趙世曾說：「我覺得我個女好直！」至於「女婿」楊如芯，他斷言不會跟她做朋友。
趙世曾女兒趙式芝（Gigi）與同性密友楊如芯（Sean）上月在北京公佈婚訊，原以為七年情終於開花結果，豈料趙世曾並不接受，更以五億銀彈為女兒招親，棒打鴛鴦，招親事件除獲美國派拉蒙電影公司食住噱頭，開拍笑片《The Lesbian》外，美國ABC電視台著名節目《20/20》也派員到港採訪趙世曾，前晚趙世曾由兩位性感美女陪伴到灣仔出席首演禮，ABC電視台的攝製隊全程跟隨，拍攝其風流財氣。
式芝安排攬兩女
兩女相陪、春風滿臉的趙世曾，透露兩位美女都是Gigi的朋友，他說：「佢哋陪我食飯、上船，ABC電視台喺美國同倫敦飛咗隊crew嚟影我嘅lifestyle，Gigi仲親自揸直升機陪我拍攝。」問到派拉蒙拍《The Lesbian》，會直指Gigi是同性戀，趙世曾表示不會嬲：「講得好坦白，呢個係Gigi自己選擇，我只係畀唔同嘅路佢行，最終都係佢自己揀。我想幫佢搵個Prince Charm，希望有多啲人追佢，佢可以做鍾意嘅事。」問是否要以五億拗直女兒？趙世曾說：「我覺得我個女好直！」招親的五億是否現金？他說：「個女咁大，我都想佢有保障，如果對方真係冇錢，我就打本畀佢搞小生意、買吓樓。」是否貼埋大床？趙世曾表示只為女兒將來着想，也相信大部份人不是為錢而來，又透露已有二萬人應徵。
不認Sean為女婿
至於「女婿」Sean，趙世曾說：「我唔會同佢做朋友，唔會聯絡。」但Sean可能已視他為「外父」？他直言：「我冇呢個咁嘅福氣。」他表示沒有與Sean討論也沒有來往，不擔心Gigi會不開心？他強調父女關係很好，對於兩人往外地註冊，趙世曾說：「一定要同我商量，或者好似我咁一世唔結婚。」問到是否寧願女兒不結婚也不想她與同性結婚，他指同性結婚在香港是不合法的，但這是女兒的自由，不想推測。採訪：顏英儀攝影：林德雄
