【本報訊】DR不單毒針打死人，20歲的阿May去年10月到旺角分店接受價值2.4萬元的雙眼皮埋線式手術後，更慘變大細眼！「我真係好後悔！」阿May說，手術前只有DR經理向她說明手術風險，並無醫生向她解釋手術過程。之後一名叫周建華的普通科醫生，到美容院的小手術室替她做手術，過程只需半小時。「我入到去攤左喺度，佢哋幫我喺近太陽穴位置打針，用棉花喺眼皮印，然後有啲麻痹感覺，之後就連針，再畀我睇抽出嚟嘅眼脂，最後叫我返屋企自己敷冰消腫」。其後她返回中心拆線，發現右眼腫起，以為只是傷口未癒合。豈料三個月後仍未消腫，更腫成三眼皮。她去找周醫生，周答應再做手術，並於今年一月進行，但再做手術右眼仍然腫脹。阿May表示忍無可忍，上月再見周醫生，但他力撐無出錯，只說無法估計消腫時間，因每個人的復原速度不同，着她多等三個月再算。「樣衰咗成年，同親朋友出街都影響心情，個個都知我做左手術，問我做乜搞成咁……」她怒斥DR美容中心及周醫生不負責任，「呢啲嘢係一世！」