【本報訊】本港升學專家時美珍提醒家長，美國頂尖大學都有超強財政後盾，絕不會因家長捐款而勉強收生。入學條件除了學業成績優異，課外活動及推薦信也是關鍵。時美珍解釋，入讀長春藤大學競爭激烈，成績優異只是基本要求，「所謂優異唔係講緊班入面頭幾名，而係講緊全港。家長可能冇咁為意，課外活動拎過乜獎，自薦信同推薦信都好重要」。名牌大學不會單看捐款收生，更不會與中介人掛鈎，「校友長期捐款，或者幫到仔女入學」。
捐錢入學作用不大
她建議家長先送子女入讀美國名牌中學，若果該校較多畢業生升讀名牌大學，或能增加子女升讀同一大學的機會，「美國中學嘅老師同香港唔同，寫推薦信更加在行。其他投資唔係咁必要，中介人好多時只係幫家長填表，用好行貨嘅標準信」。環凱國際顧問公司項目總監張家禧指，SAT試獲2000分、AP每科考四至五分，只是美國名校基本「入場券」，「捐錢冇乜幫助，大陸大學就可能得」。