唔單止議員之中有大量新面孔，就連今次為議員監誓嘅立法會秘書長陳維安都係新丁，唔少人覺得陳維安噚日表現都算好平穩，冇乜怯場，八方覺得可能係佢嘅前任吳文華教導有方，據聞Pauline離開立法會前不時向陳維安送上錦囊，等呢位後輩好好打理立法會。退休後嘅Pauline明顯仲心繫立法會，噚日亦有重返立法會，悄悄喺公眾席「監場」，八方見佢睇到不時緊皺眉頭，同做秘書長時一樣緊張。會前佢仲同陳維安握手，祝呢位接班人好運㖭。