相信好多讀者同八方一樣，細個返學時都唔鍾意着校服，覺得老土又核突。但估唔到工黨反而有「校服癖」，噚日四位議員包括李卓人、何秀蘭、張國柱同張超雄，齊齊着上寫有「I♥HK」嘅黑色Tee宣誓，非常有隊形。八方睇見佢哋嘅校服，突然好擔心，事關有着住呢件Tee去十．一升旗禮嘅同學仔，無啦啦被認定係曳學生，仲被趕離會場；工黨呢四位「學生」，會唔會同樣被逐出班房？最終當然係冇，睇嚟立法會嘅校規比民政事務總署寬鬆囉。