返工就話有開工利是啫，估唔到開學都有利是收。首度殺入立法會嘅公民黨陳家洛，噚日宣誓後同八方講，朝早臨出門口時，老媽子突然塞咗封「年年有餘」利是畀佢「責袋」，希望佢嚟緊四年順順利利、平平安安，家洛笑笑口話會擺封利是喺辦事處當係應急錢。同樣係公民黨立會新丁嘅郭榮鏗，佢太太Leslie雖然冇送幸運利是，但就獻上「開學禮物」，送上一本聖經；Dennis噚日宣誓時就特別攞住呢本獨一無二嘅愛心聖經，陪佢度過人生中嘅歷史性時刻。