近來利豐（494）嘅消息都幾惹火，8月公佈「超差」中期業績而被市場狂沽，上月同Wal-Mart更改採購協議，就被質疑係被咳單。搞成咁，集團點都要做啲嘢，噚日就宣佈委任香港花旗ibank阿頭林崇禮（Edward）做財務總監（CFO），話係配合集團擴大高層管理團隊，以協助集團嘅固有業務同收購策略。華華同朋友傾開，利豐老闆馮國經個女婿咪係花旗姓林嘅咩？唔通真係用人惟「親」？問落至知此「林」不同彼「林」，馮國經女婿係來自花旗私人銀行嘅林詩棋。之不過，利豐確實同花旗幾密切，被視為御用banker咁滯。好似Edward咁，就曾經曾參與利豐多個收購項目、配股、發債等顧問工作。
下月返工 向太子滙報
Edward會喺下月5號返新工，向馮國經個仔、利豐營運總監馮裕鈞滙報。利豐以前只有Financial Controller，今次Edward個CFO位係新開嘅，配合下月利豐搞Analyst Day，新官上任有嘢搞吓噃！