南美球迷一向熱情，好似阿甲傳統球隊河床，組織咗超過5萬名球迷，製作咗一條長7.8公里嘅橫額（圖），仲打破埋健力士世界紀錄㖭；河床周一就動用數以萬計球迷，展出呢條超長紅白間嘅橫額，由彭拉莫區嘅舊主場，拉到新主場河床球場。睇嚟球迷嘅熱情都感動到今季重返阿甲嘅河床，周日主場擊敗葛度爾古斯，兩連勝之餘，仲共入9粒㖭！