《中環舊立法會》
本月26號47歲牛一嘅郭富城真係越老越型，佢前晚9點半喺中環舊立法會外拍嘢，雖然女友熊黛林今日32歲生日，但城城因為工作太忙，所以未有為女友計劃一個外國浪漫生日之旅，反而留港工作。
小美亂過馬路
前晚城城着灰色長袖衫及黑色外套現身中環街頭，佢手持一部最新款嘅白色Samsung GALAXY Note II手機，chok爆喺街上行來行去，十足行catwalk一樣，據知城城係為代言嘅電訊公司拍廣告。
由於晚上中環途人唔算多，所以都唔係太多途人圍觀，不過都有唔少老外對拍嘢大感好奇，拿起手機拍照留念。而城城雖然只拍一個shot，但都拍足七個take，佢又不時同導演研究點樣拍攝先最好，認真專業。隔咗一陣，同城城形影不離嘅經理人小美匆匆趕到，佢仲罔顧紅燈衝過馬路，認真危險。採訪、攝影：
李志明、朱志聰、文國駿
