「閃電俠」今日現身東京！前日仲喺新西蘭嘅保特（圖），話咁快去到東京，此行係贊助商Puma搞咗個類似保特奧運巡迴展，去完東京，之後會去澳洲同返新西蘭，跟住再到紐約。今次小記都會喺東京採訪，保特會落Puma店，下午先開記者會，講講佢喺奧運成為legend嘅心情，仲會接受訪問。保特咁貪玩，所以贊助商喺夜晚安排咗個party，公關仲話保特到時可能會現場打碟，但講到明唔准影相。