政府噚日公佈盛事基金贊助800萬元畀傑志，喺出年7月請曼聯嚟香港打表演賽，即時引起網民熱烈討論，但佢哋嘅討論焦點卻係2005年曼聯訪港時，曼聯將佢送嘅禮物掉喺更衣室而被恥笑嘅「送禮勤」李克勤，建議送禮勤再送多次禮畀曼聯，藉此「一雪前恥」；有網民迅速改圖，加咗句「即刻收咗佢」做設計對白，力撐送禮勤明年復仇！