億萬富婆鄺美雲（Cally）前日大方承認蜜運中，對象是50餘歲的恒地高層林達民（Thomas），昨日男主角在中環為新樓盤舉行發佈會，又接受電台訪問，強調自己單身，離婚一年才追求Cally，澄清Cally是小三的傳言，Thomas更不忘大讚女友聰明又有善心。
鄺美雲的新戀情曝光，她的蜜運對象、恒基兆業地產營業部總經理林達民，昨日在中環為旗下新樓盤舉行發佈會。慣於面對記者的他表現大方，友善任影。
人逢喜事的Thomas不時流露喜悅表情，對於Cally前日坦承與他已拍拖兩個月，Thomas笑住表示：「係啦，呢啲係開心事，但係今日，希望大家畀少少空間我，畀少少空間Cally。」
「最聰明係佢」
Thomas獲Cally大讚他聰明，而且兩人一齊好開心，問他最欣賞Cally哪個優點？Thomas說：「咁最聰明係佢啦，識讚我聰明，係啦，佢好有善心，而且幫人又出錢出力。」
至於用甚麼方法成功奪得美人歸，Thomas甜笑說：「Cally已經講得幾好，我要入去啦。」隨即進入會場。再問到他是否已離婚？Thomas說：「呢段關係我好開心，我係地產人，地產人多數都含蓄同穩陣，總之Cally嘅嗰個報道係正確。」提到有指Cally是小三，Thomas聽後雙手合十微笑但未有回應。
前妻與子同住
不過，Thomas昨日早上接受商台節目《1圈圈》電話訪問時，就強調自己是單身，他表示：「我係單身，離咗婚已經有一年時間。我前妻同個仔兩個住，追求Cally時已經係單身。」Thomas形容目前和Cally拍拖幾開心，他說：「佢心地非常好，善良同好鍾意幫人，呢啲係幾吸引我。」
採訪：盧妹
攝影：陳順禎