惠天賜上周四被公安發現倒斃北京寓所，終年55歲，其胞妹惠英紅即到北京奔喪，前日惠天賜遺體火化後，骨灰由另一名胞妹Sandy帶回港，小紅則返杭州開工，稍後會在港為惠天賜舉殯讓親友致祭，長眠香港。
擇日設靈
Sandy前晚抵港時緊緊攬住一個黑色紙袋，當中有一盒東西，估計是惠天賜的骨灰，她獲四名男士接機，目無表情的Sandy全程不發一言。問她心情平伏沒有時，身邊男士代她點頭，眾人即上車離開。據知家人昨替惠天賜做法事讓他早登極樂，正擇日替他設靈。小紅好友鍾慧冰昨接受商台訪問，她透露近日為小紅撰寫自傳：「我哋傾偈，佢話呢兩、三年發夢返去童年，見到哥哥姊姊當年離家學京戲，每次都唔捨得喊，可能佢哋兄妹情深有預知；小紅喺人前扮冇嘢，但壓力留心中，好擔心佢。」採訪：張俊銘、馬建華攝影：陳俊強