唔係淨係得加藤鷹有金手指嘅，美國天后Lady GaGa一樣有。話說GaGa前日喺倫敦為咗宣傳香水，特登幫對手加工，裝咗啲長到插得死人嘅金手指。佢好風騷咁扭腰飛吻，仲擰轉身狂撥頭髮，十足賣洗頭水廣告咁。不過佢遲咗成粒鐘先現身會場，激到班粉絲狂噓，之但係佢EQ高扮聽唔到，就算堅唔開心，返去搵晒肌拍緊美版《烈火雄心》嘅男友Taylor Kinney呵番咪得囉！