喺狼振英治下，議事堂內有唐營中人坐鎮，政壇都多啲趣味。好似唐唐家臣林大輝（圖）咁吖，一直對隻狼發出夭心夭肺言論；噚日立法會就主席人選舉行辯論會，大輝亦藉機賀上任百日嘅狼英，向同樣被指係地下黨員嘅曾鈺成提問，話同中央關係密切嘅狼英上場後，好似有原罪、俾人感覺赤化緊香港噃，而曾鈺成都有呢個紅色疑雲，如果唔解釋係咪共產黨員，會引起市民憂慮㗎噃！八方聽完個問題，相信大輝只不過想借力打狼，之後佢旋即進入「正題」，話曾鈺成話要同各黨派保持溝通，但過去四年竟然冇乜傳短訊畀佢。見慣風浪嘅曾鈺成笑笑口踢爆話：你之前唔係覆過個短訊畀我，話自己係鐵票嚟咩？