「狼兒，待會離開的時候你趕快跑，不要被記者抓到，他們一定會問你：為甚麼民望那麼低？」究竟被喻為「狼爸」嘅中聯辦副主任李剛，噚日喺台上同狼振英密斟時，係咪向狼仔教緊路？八方真係不得而知，但狼父子咁好傾，將全國人大常委范徐麗泰被「擱置」在一旁，搞到佢一直面燶燶，似乎唔多like呢對「父子」公然大晒溫馨。咁又係，范太向來對狼英「愛之深、責之切」，叫過佢冇才能就唔好怪人、亦唔好將民望低賴晒上屆政府，但范太始終係狼家「外人」，狼英點會聽佢枝笛？
范太冇眼睇狼英
難怪范太與狼英同場都冇眼睇咁款。但有狼爸在場，范太始終客氣啲，噚日被問到狼英民望持續插水時只係好得體咁講句：「只要狼班子更加努力，就有機會反彈。」哦，怪唔得狼英成日要同狼爸孖咇出巡啦！全國政協副主席董建華都有出席酒會，被問到狼英百日施政時頻頻擰頭，斷估唔係話狼英「冇得救」啩。