為人父母，誰不想孩子茁壯成長？然而，患有發展障礙兒童的成長路，荊棘滿途，家長及適切的協助成為披荊斬棘關鍵。五歲的Moses與一般小孩無異，時而靜靜地把玩手上的玩具、時而跑跑跳跳；原來，Moses能打破發展障礙陰霾，全靠Moses父母和聖公會聖基道兒童院屬下健苗軒的專業人士，共同努力。記者：劉丹丹
小孩Moses媽媽說：「佢兩歲讀N班（幼兒班）時，成日喊住搵阿媽，帶佢出去玩，佢又唔同其他小朋友玩，當時只係諗『會唔會係細個，唔識同人玩？』」至升讀K1班，老師反映Moses與同學疏離，又在班房「坐唔定走嚟走去」，抗拒與人溝通；其父母亦察覺他不懂表達情感，常發脾氣，遂向健苗軒求助。
懂得向父母表達情感
兩年來，Moses接受遊戲、言語治療和社交訓練等，進度令人鼓舞，其父母積極的參與，實在功不可沒。Moses父母尤其珍惜每節訓練後與導師交流的時間，彼此交換意見，分享孩子在不同環境下的表現及進度。他們更透過家長小組，了解Moses的需要，學習如何與他溝通。Moses爸爸說：「初時都會好『』，有時佢（Moses）表現到好似明你講咩，但原來唔係；家了解多咗，開始喺佢嘅角度睇，親子關係都好咗好多。」父母的無私奉獻、不離不棄，加上健苗軒的協助，令今天的Moses臉上掛着可愛笑容，不僅主動跟其他人玩耍，更懂得向父母表達情感，情緒大為改善。
「個個導師都好用心」
Moses媽媽尤其感激健苗軒的導師：「個個都好用心從小朋友出發，好人性化。」「家要諗嘅係一般家長要諗嘅嘢喇，諗畀佢升咩小學！」她邊說着，臉上難掩欣慰的笑容，雙眼流露的是對未來的憧憬。健苗軒為發展障礙兒童提供跨專業及一站式的服務，包括職業治療、物理治療、言語治療及社工輔導服務，為發展障礙（如情緒障礙、過度活躍症及自閉症等）兒童度身訂做全面的健康指導和訓練。該中心服務督導主任陳姑娘表示：「從唔同嘅professional睇到唔同嘅嘢，整合成一個whole picture，大家開會討論，就住每一個小朋友制訂訓練嘅方向，再sustain落去」。她強調，發展障礙「唔係一個病」，最重要了解並因應兒童的能力，給予適當的訓練，循序漸進，並與家長交流互動，共同扶助兒童健康成長。欲知更多詳情，請留意逢星期二晚8時至8時30分，於港台第五台播出的《生活存關愛》節目。健苗軒查詢電話︰3628 5008社會服務◆報料熱線︰2929 0000◆社會服務熱線︰2990 8288◆蘋果日報慈善基金︰2990 8688◆電郵︰mailto:[email protected]◆傳真︰3711 2468◆網址︰ http://charity.appledaily.com.hk◆匿名投訴恕不處理。一經投訴，本報保留刊登權利