一班工商界議員上屆喺西環吹雞下組成工商專業聯盟，但自由黨同經濟動力貌合神離，工專聯名存實亡。點知呢啲咁鬆散嘅組織，竟然易名「翻生」，包括經濟動力、專業會議以及張華峯、盧偉國在內嘅7位議員，噚日組成「香港經濟民生聯盟」，由梁君彥做主席，道不同不相為謀，曾經話過經濟動力「超級保皇」嘅自由黨，當然唔在聯盟之內。八方覺得呢個聯盟嘅亮點，查實係好有唐營feel，除咗有5個成員來自唐營，就連佢哋嘅公關班底，都幾乎係前唐辦得力要員，好似唐唐競選辦公關大員、前新聞處中文編輯洪曉敬，噚日都有現身，莫非唐唐係呢個聯盟嘅幕後黑手？