1992年加入中華煤氣（003），並在1997年升至常務董事的陳永堅，替煤氣簽訂的合約或生意，動輒數十億元；但原來在過去廿年的「煤氣生涯」，最令他最難忘的，反而是為煤氣引入每部售價只是數千元的煤氣乾衣機。
陳永堅說：「記得95年嗰陣，我仲做緊市務及客戶服務科總經理，當時已經引入咗用煤氣煮飯嘅煮飯寶，反應唔錯，諗下仲有乜嘢好搞，不如試吓引入煤氣乾衣機啦！嗰陣啲人最鍾意問：啲衫乾完會唔會有煤氣味㗎？會唔會燒着㗎？」
陳永堅續稱：「我哋仲特登喺一個20呎長貨櫃裏面，整咗個廚房示範單位，方便周圍去做推廣，教人可以點放架乾衣機……，嗰陣我都有落場㗎，親自賣出咗兩、三部。」
陳永堅指出，雖然現時煤氣乾衣機每月銷量已由高峯期逾萬部降至數千部，但已成為很多家庭的常用電器之一。
據煤氣提供資料顯示，95年至今，集團共售出15萬部煤氣乾衣機。