美國女歌手瑪麗嘉兒（Mariah Carey）呢排同選秀節目《一夜成名》嘅拍檔Nicki Minaj吵大鑊，仲話收到死亡恐嚇，搞到要搵警察傍住，但即刻俾人話佢博宣傳。睇落又幾似，事關瑪麗噚日不知幾咁開心走咗去聖莫尼卡玩，仲同老公Nick Cannon坐過山車，冲到上半天時瑪麗發揮天后本色，向下面嘅人群揮手之外，仲可以拖住老公手仔擺撥頭髮甫士，認真離奇。玩完之後即刻黐埋對仔女度，最得意係阿仔阿女一齊啜奶嘴囉。