前排喺網上電台疑畀龍心掃胸嘅仙樂都（吳堯堯），噚日谷胸出席足球活動，佢話因為就嚟要為呢單案上庭有啲緊張，不過驚還驚，仙樂都繼續爆龍心料，佢話早前龍心透過傳媒傳話，仙樂都話：「佢（指龍心）叫記者同我講，叫我唔好搞大件事。」嘩！龍心咁做，好似有騷擾證人之嫌喎，仙樂都就話始終龍心冇直接搵佢，所以就咁算數。