唔好以為球星有樓有車就過得好快樂，一樣會有抑鬱，好似係史篤城效力過嘅佩列卡（圖），就因為咁而提早喺今年2月退役。呢位29歲掛靴嘅法籍前鋒最近搞咗個組織，提供機會畀球員見心理醫生，史篤城就決定帶頭響應，安排旗下球員去測下心理。如果大家仲記得幾年前德國門將安基自殺件事，就應該快啲學史篤城咁，去阻止呢啲慘事再發生。