社會矛盾尖銳、小圈子對手不濟，令梁振英在今年初火速成為普羅大眾的「神」級政治人物，被認定會帶來改變。但過去百日足印，卻是一條倒退的不歸路。前特首曾蔭權智囊的劉細良說：「由期望到失望，都係香港人自己發咗一場春夢」，事實證明梁振英「唔淨止係狼，而係廢」。
由期望到失望
對這位中央政策組前全職顧問來說，梁振英上任前、後的處事技巧，絲毫沒改變，「變嘅只係市民嘅perception（觀感）」。關鍵在於本年初特首選舉期間，社會問題多籮籮，不少對現狀不滿的市民認定只要換上新面孔，難題就可解缺，「當時嘅梁振英，就似一個fantasy（幻想）……好似好砌得」。梁振英當選後百日已引證，貧富懸殊等問題，並非長篇政綱與動聽演辭可解決；及後梁班子連串失誤，更反映「姿色只是剎那」。到底梁振英上任百日內有何施政失誤？劉細良搶着說「冇」，因為「根本佢都未施政」。說的也是，因為梁振英提及過的港人港地等政策，至今只流於口水層次未提交立法會審議。「佢喺呢100日最錯嘅，就係硬推5司14局，點會有人一上場掂政治？煲呔當時都係搞問責制衰咗啦。當時好多人都勸佢唔好；件事證明佢唔淨止係狼，而係廢。」劉細良越說越扯火，形容梁班子是「業餘政客」，表現既不專業又浮誇，諷刺稱：「陳茂波上咗《Money Cafe》（有線節目）就係搶奪咗話語權？問到係咪興建焚化爐，黃錦星竟然話家唔講」。范太一句：「自己無能就唔好怪人」，相信是梁振英百日維艱的最貼切評價。