新一季NBA就快展開，球隊都開始季前集訓，其中兩名NBA外援奴域斯基（左圖）同馬克加素（右圖中），喺上周六帶隊同自己國家打熱身賽齊齊贏波。奴域斯基喺小馬作客柏林阿爾巴嘅熱身賽，雖然只係攞到8分，但小馬仍以89:84勝出；至於馬克加素仲威，個人獨取16分及16個籃板，領灰熊以105:93擊敗到訪嘅皇家馬德里，令灰熊喺首場熱身賽旗開得勝。