自從舊年1月被葉士域治炒魷後，曼聯名宿堅尼呢年半都係講吓波咁。難得土超升班馬卡斯帕薩最近開咗份3年總值450萬鎊（約5,600萬港元）嘅合約畀佢，但堅尼竟然拒絕咗！原來，堅尼知道布力般流浪啱啱炒領隊，就吼實呢個肥缺。另外，布力般名宿舒利亞亦有興趣，「我同布力般嘅班主未有任何接觸，但如果佢哋接觸我，我樂意同佢哋傾。」