過去五年，阿熙只回家兩次，包括半年前回家籌備今次單車之旅，雖然嘴裏總是那句「屋企人唔使成日見嘅」，但心中常記掛着母親，「我哋試過攤喺大廳，傾偈傾足成晚，都傾唔完……」阿熙抬頭望向漆黑的天空，這晚沒有星星，回家之路還很漫長。記者回港，即趕去阿熙的家，李媽媽熱情招待，「開飯喇，唔好客氣！」一桌全是阿熙喜歡吃的菜，席間阿熙好友Cheryl用手機上網，看到他的最新狀況：「嗰邊落雨，仲好凍喎。」戴上老花鏡的李媽媽緊張得探頭猛看手機，「佢到咗蘭州喇？」記者說：「佢前日已經到咗蘭州，夜晚食兩碗飯」，李媽媽一展笑顏。阿熙出發前，李媽媽將十多包感冒藥塞進行李。李媽媽問：「佢有冇食過啲藥，有冇過期？」記者答：「佢冇食過，我食咗一粒，放心，冇過期！」李媽媽又笑了。
下月回港團聚
晚飯後，記者將阿熙一段錄音口訊播給李媽媽聽，「阿媽，我應該仲有兩個月就返到嚟，不如你諗吓我返到嚟食乜啦」。10秒的錄音口訊，母親聽了一次又一次，眼淚都流出來了。然後，急不及待叫女兒上網看看兒子，「你做乜趕住11月24號返啫，慢慢踩啦，安全要緊」。李媽媽吃一口兒子託記者帶來的「涼州月餅」，「咁硬嘅，唔食喇，擺落雪櫃，等你返嚟一齊食」。笑容比月餅更甜。《蘋果》記者