英國欖球界盛事，超級聯賽季後賽決賽上周六就喺曼聯嘅奧脫福球場舉行，由列斯犀牛對禾靈頓狼隊。原來曼聯前鋒朗尼由細到大都係犀牛「粉絲」；難得愛隊嚟曼徹斯特打決賽，所以佢上周四去咗探班（圖）。不過，曼聯今日要作客紐卡素，噚日就要起程，朗尼計過條數，話可以趕得切去到紐卡素嘅酒店睇直播。