僅僅拍過三部電影，已在演員成績表上獲得認同。不過，陳靜後悔求學階段沒有認真讀書，對個人前途、理想感到迷茫，「夢想係會改變，我家咁樣同你講，可能一年之後又會唔同。」
仍未打算封胸
今年八月上畫的三級片《低俗喜劇》，票房至今已衝破3000萬元，暫時穩坐本年度最賣座港產片。Dada在戲中飾演以性服務換取演出機會的模「爆炸糖」而人氣急升，獲提名今年台灣金馬獎最佳女配角，據其電影公司發言人轉述，「佢冇諗過呢套戲可以獲得金馬獎提名，覺得好感動，但在角逐嘅對手中，佢係經驗最淺，預咗自己唔會攞獎。」既然電影事業已露出曙光，未來會否不再拍寫真或者收埋性感？Dada不願評論太多，僅指自己希望有更多電影演出機會。她接受其他傳媒訪問時則明言，並未打算從此封胸，未來遇到合適工作仍會照樣性感。至於事業目標，Dada自言夢想會隨着生活一路改變。但她慨嘆需要增值的知識很多，「好後悔自己冇讀好啲書，細個家人要送我出國讀書，但畀我拒絕，否則我嘅發展可能更好。家好想讀番書，因為出來做嘢發覺，好多嘢都係建基於讀書所得到嘅嘢。」
自小不愁衣食
自小家人為她提供一個不愁吃穿的成長條件，沒有經歷過捱苦的時候，「小學三年級開始，媽咪每日都畀100蚊零用錢，交書簿費，我就分開問阿爸阿媽（已離婚）拎兩份。」