迪比亞路（左）今季嚟到澳職，加盟FC悉尼，但佢腳頭麻麻，上周六球隊首戰作客威靈頓鳳凰，結果輸0:2。萬眾期待，37歲嘅迪比亞路正選上陣，仲踢足全場，真係辛苦晒，但佢始終幫唔到球隊入波；而鳳凰就靠新加盟嘅侯斯甘斯同路爾斯芬頓各入一球，主場贏2:0。另一場，西悉尼流浪者嘅日本中場小野伸二後備上陣，最終佢哋作客同中岸水手踢成0:0。