【本報訊】南丫島撞船事件增至39人死亡，日前有網友將謝安琪《大愛感動》改詞寫成《大愛香港》，作為悼念死難者的海難歌曲，鼓勵香港人振作自強，並將短片上載Youtube任人瀏覽，怎知，短片放上Youtube不足一天，即被環球投訴侵犯版權遭封殺，昨日在Youtube已不能再瀏覽這條片，只顯示「由於UMG提出版權聲明，因此不能再使用此影片。」字樣。有網友留言狠批：「網絡23條固然唔可以通過，呢類過時嘅版權惡法，究竟係幫緊唱片公司定害緊唱片公司呢？」
本報向環球唱片求證，發言人否認曾向Youtube投訴網友改詞謝安琪《大愛感動》兼下封殺令：「公司冇投訴亦冇封殺網友改詞，今次係Youtube嘅系統自動刪除咗呢個video，只要Youtube認到條聲或畫面同版權持有人發佈嘅一樣，就會自動take down條片。」發言人指環球不介意網友二次創作，但要尊重版權。