因為荷蘭門將告魯爾受傷，紐卡素今場繼續用老將夏柏把關。夏柏賽前接受訪問，佢話同9歲嘅囝囝占士討論過呢場波，但占士就睇死紐卡素實俾曼聯㩒住嚟砌。夏柏都承認朗尼同尹佩斯實在太勁，「對過咁多前鋒，冇咩邊對嘅級數比得上朗尼同尹佩斯，連占士都不斷同我講，佢哋兩個有幾勁，佢認為我將會有個忙碌嘅下午。」