【本報訊】特首梁振英日前以捉棋為喻，推說現屆政府困局乃上屆留下來。曾訓斥梁振英缺乏才能「就唔好怪人」的全國人大常委范徐麗泰，昨再向梁發炮，指他若再只聽中聯辦旨意就「後果自負」，又叮囑他要誠實地做事。前立法會主席曾鈺成亦暗諷梁振英，指他擔任多年行政會議召集人，也應為上屆政府遺留的問題負責。
「冇得推卸責任」
范太昨出席一活動致辭時，已意有所指地稱做事不能賴上手，否則解決不了問題；活動後，范太回應梁的「捉棋論」時更直言，新政府不可能「唔使捉上一盤棋，因為呢個係一個延續、自然嘅延續，而正正因為上一盤棋，如果上一盤棋捉得唔好，咁呢一盤棋正正就係有機會可以去翻身」。
范太又指，既然梁振英參選時提出要「change（改變）」，其政綱又得到市民認同，「大家都期望有呢方面進展，多過想聽佢解釋點解家有嘅問題係比較難」，「其實做咗行政長官就冇得推卸責任，所有嘅困難、所有嘅事都係行政長官去拍板、去決定點樣去再進行嘅」。
對於日前中聯辦副主任李剛高調探訪南丫島海難傷者，范太不認為是西環治港，「治理好香港責任係特區政府，所以佢（港府）係唯一權力中心；如果佢去聽人哋（中聯辦）講，然後跟住人哋叫佢點做就點做，佢後果自負。」
范太又透露，特首選舉後梁振英曾聯絡她，當時她已表明，「希望佢誠心誠意為港服務，誠懇咁去聽各方面意見，同埋要誠實咁做佢所需要做嘅工作。」
曾鈺成明撐暗踩
此外，出席另一活動的曾鈺成則對梁振英明撐暗踩，一邊表示相信梁無意推卸責任，但同時又指梁振英曾經是行會召集人，「因為喺上一屆政府，梁先生都係喺一個決策高層裏面嘅一個，因為佢係行政會議非官守議員嘅召集人，所以我唔覺得佢會有意將責任推卸畀其他人。」曾鈺成接受訪問時又指，可能因為梁振英的從政路與中央密切，令市民認定梁站於中央一邊，這種「原罪」導致現時多了赤化、西環治港的說法。