近期屢屢被娛樂版影到掃貴價袋、買名牌首飾的陳靜，在訪問中形容自己已轉性，不再愛名牌。每月寧願將六成收入儲起，以備將來投資錢滾錢。Dada自言，以前會在置裝上大灑金錢，「身邊朋友有，我又要有」；但目前已變得慳儉，致富後更加不需要名牌。「追求名牌係滿足唔到自己，而且真係好貴，唔買名牌袋啦，我都係用幾百蚊咋，自己用嘢又比較粗魯，就算屋企有都好少用。」她說，每個月要自己儲起六成收入，用兩成供樓，單計泓景臺單位每個月要供9000元，供25年，只有餘下兩成是生活開支。「平時工作上用唔上名牌手錶、手袋，衫同首飾，家都會有贊助，而且一年比一年多。放假就着得好簡單，又好少行街，除咗上個月趁減價買過一次衫，之前半年都冇買過……要睇自己呢刻想要啲咩咯，我想要嘅唔係手袋。不如儲起啲錢，先可以去投資，再賺到多啲錢。」話雖如此，娛樂版近期卻多次拍攝到她在商場血拼，在動輒一個袋近萬元的法國名牌袋店及珠寶首飾店閃電掃貨，消費觀似乎表裏不一。
只擁有一張信用卡
雖然早於同齡人士在社會賺到豐厚收入，但其母親似乎仍如看待小朋友般管教Dada理財。Dada說，現時手上只有一張信用卡，「到外地或者有折頭先用，唔會畀自己申請第二張，媽咪唔贊成自己先使未來錢。」