陳山聰同奧雲（右）有咩共通點？佢哋都係打緊份風流工。俾曼聯放棄後，奧雲搵得好辛苦，先至搵到史篤城肯收留佢，但其實奧雲自己大把生意，就算冇球會要佢都大把世界。原來𠵱家有成50人跟緊奧雲搵食，幫佢打理醫療生意同埋馬房，規模唔細，踢波似乎變咗佢嘅興趣多過係生計。不過，奧雲希望踢多幾年，佢話會以史高斯同傑斯為榜樣，保持良好生活習慣。