浪子回頭金不換。四年前阿智是個不羈青年，因患上淋巴癌而醒覺，變回父母的乖乖仔。「我要生存落去，我要照顧阿爸阿媽。」看到雙親為他籌措藥費，捱至消瘦憔悴的身影，阿智悔恨愛得太遲，激發起求生鬥志，希望戰勝癌魔報答父母。
父母兼職為籌藥費
阿智自小爛玩，中五畢業後做倉務員，「以前好貪玩，又自我，一切以friend行先，冇乜關心過父母，仲嫌阿媽成日打電話畀我好煩，好傷佢心 ，癌病令我睇見一直忽視咗嘅親情」。阿智的爸爸原本已退休，為兒子籌措藥費，他跑到地盤做雜工，又兼職揸小巴；一直是家庭主婦的智媽，則兼職洗碗。「阿爸阿媽都幾十歲，咁大年紀為我捱得好辛苦，阿媽洗到雙手都爛晒，我好唔安樂」。去年阿智病情一度惡化至昏迷，他說：「迷糊間護士問我有乜要交低，我淨係想叫阿爸阿媽唔好擔心，我會為佢哋作戰到底。」他最終逃出鬼門關，「連醫生都好驚訝，話諗唔到我捱過咗，仲返到醫院覆診」。現有新藥可控制癌指數，更獲蘋果基金資助首針藥費，抓緊用藥時間，令他對治療充滿信心。《蘋果》記者