「越升越多人買」只限喪升中嘅新界樓，喺足球博彩，多數只會越熱門越名牌越多人信，感覺越安心，佢哋輸2、3次，莊家亦唔會因為咁而調升佢哋嘅賠率益波友；聯賽小休在即，今天鎖定兩支非熱門但有實力出冷嘅英超隊作重心，雷丁及紐卡素，入球「大」加冷W。
未開齋嘅雷丁作客史雲斯，前者漸入佳境，冇季初咁騰雞，一眾夾慣主力包括占美基比、卡拉簡同另一衝刺力極強嘅箭頭羅拔斯全部已傷癒，變招能力加強；佢哋根本毋須打花巧波，靠衝靠搶才為生存之道，學韋斯咸咁，冇死！同今次主場嘅史雲斯一樣，兩軍暫欠穩定嘅中場輸送，不過相反係史雲斯打地面推進但又唔叻。唔經唔覺隻「天鵝」近3戰聯賽零入球，今戰當然求入心切，但門神禾姆感覺冇上季咁穩陣；入球「大」今戰開定了，實力伯仲之間，3.75倍嘅雷丁W當然上貼士榜。
次選，紐卡素同曼聯又係攻「大」，冇人會信紅魔聯賽連敗，捧場客必仍多，紐卡素季初表現其實合乎期望，今戰迎紅魔證爭標黑馬屬良機，爆冷條件實在不少；對手防線今季從未安全過，尹佩斯拍朗尼，鬥紐記塞內加爾雙刀，1.7倍「大」，睇表演好了。小注博紐記W也可，上屆贏3:0，丹巴巴亞也有士哥。
最後勿忘日聯浦和紅鑽，迎大魚腩札幌岡薩多；前者要爭霸先改善得失球，3分攞梗，但追數係要追遠遠落後1、2位三箭同維加泰嘅得失球。
(下次見報日期：20 /10)
文：蘋果波神