無綫昨日安排兩大台慶劇《大太監》和《名媛望族》的全體演員，連同《愛．回家》、《雷霆掃毒》、《天梯》和《萬千升呢福祿壽》，以及特備台慶節目《走過烽火大地》的一眾演員和主持，在行政主席梁乃鵬帶領下，於電視城錄影《凝聚力量TVB 45周年》兼亮燈儀式，陳豪在台上公然踢轎門迎娶陳茵媺，陳豪隨即面紅紅說：「我只係送禮畀無綫咋！」
今次是無綫行政主席梁乃鵬首度主持台慶亮燈儀式，無綫老闆陳國強則全程做觀眾，亦未有影大合照。儀式過後，梁乃鵬與半百藝員齊齊大合照，司儀阿姐汪明荃和鄭裕玲站在梁乃鵬身旁，台慶劇《大太監》和《名媛望族》的演員分別站於第一排的正中位置，可見無綫對兩套台慶劇均寄予厚望。
踢轎門迎茵媺
情侶檔上陣的陳豪和陳茵媺，以《天梯》的造型現身，當然成為眾人焦點，身穿唐裝衫的陳豪更踢花轎門迎娶陳茵媺，結果嘟姐忍不住笑他說：「你哋冇避忌咁喺度耍花槍，係咪就嚟結婚先？」陳豪隨即面紅紅說：「我只係送禮畀無綫咋！」
事後陳豪被笑以情侶檔宣傳劇集，他們說：「嘟姐都係搞吓氣氛啫，我哋事前都知道有呢件事，基本上都係為宣傳，所以都唔會太抗拒。」
黎耀祥恨攞獎
對於被視為視帝視后熱門人選，《大太監》的黎耀祥和米雪昨說：「可以拍呢套戲已經好開心，如果真係畀我哋，梗係唔介意，仲會好開心！」在亮燈儀式舉行前，無綫高層率領數十名演員於四廠默哀三分鐘，悼念南丫島撞船意外的死難者。
採訪：何慧斯、卓寶花
攝影：黃偉雄
