民主黨創黨主席李柱銘噚日應中大邀請，以「我的民主路，三十年細說從頭」為題演講。馬丁講起民主兩個字零舍精神，佢同1,500名中大師生分享過去爭取民主點滴之餘，大談過去令佢心情高低起伏嘅重要日子。
佢個人最開心嘅係喺港同盟嘅日子；最開心事件，莫過於當年仲係港同盟成員嘅劉江華，由於不服從黨立場，喺輸咗立法會後退黨。八方相信唔少民主派支持者睇到劉江華嘅下場，對馬丁所講嘅感覺都深有同感。
而最令馬丁感動嘅就係89年中共六四屠城期間，八號風球下仍然有超過五萬港人上街支持民運；最傷心嘅事好易估，就係人大99年首次釋法，嚴重損害香港法治。