政府新聞處搬咗去上環海港政府大樓，雖然遠離添馬艦政府總部，但係一樣有無敵海景。新聞處噚日喺佢個新主場搞第一次傳媒咖喱餐，仲搵咗狼振英幫佢哋「旺」吓個場。
狼振英話呢輪日以繼夜、夜以繼日處理海難，大前晚凌晨4點先瞓，跟住一早9點半又要再開會；又話呢幾日探訪咗好多傷者同死者家屬，直到噚日開始，啲疲勞症狀就出晒嚟咯。
有政界口痕友同八方講，狼振英幾努力洗底都冇用，當日西環副主任李剛以「西太后」姿態指揮救災，佢自己就縮埋一邊，連梁書記都冇得做，只可以做「小梁子」，辛辛苦苦努力救災賺返嚟嘅形象分，全部輸凸晒，身心唔俱疲就假嘞。