海難港殤，港人難過之餘，亦表達咗共處一方嘅關懷互愛。聽音樂可以暫時忘憂；聽現場音樂演奏，神遊遠方，或者可以得到心靈安慰。今晚葵青劇場8點有個「無極境界」音樂會，九首中樂，七首由香港本地音樂人原創，希望表達宇宙無限嘅境界，等你搵番嗰種先感動而後安寧嘅感覺。其中兩首《飛天涅槃》同《敦煌樂舞圖》，就有身處敦煌壁畫旁邊、煩惱不現嘅優美境界，而舞台設計亦有一種靜靜嘅禪味。
音樂會係無極樂團「意象敦煌」兩年計劃嘅第一炮，樂團藝術總監羅永暉曾幫《桃姐》作曲，樂團嘅計劃攞到政府160萬元配對撥款，自己要另外再籌100萬元。源（Blanc de Chine）老闆楊秉堅，同鍾情音樂嘅哈佛大學榮休教授李歐梵等人都有份為音樂會作出心意贊助。