DR醫學美容集團於1995年成立第一間店舖，至今已擴充至42間分店，公司急速成為全港最大以醫學美容作口號的美容集團，但其經營手法常遭投訴。據了解，該公司曾以「唔使錢可以做代言人」的絕橋，游說客人購買減肥或美容療程。他們透過隨機致電找客，只要客人體重超過250磅，便以此游說客人往面試。
派職員陪同去廁所
其二，公司職員不時在街頭做問卷，以特價面膜或美容療程作招徠，並常常以二對一方式，派出兩名職員服務一名客人。有女客人因抵不住一個小時的洗腦式硬銷後，要「借尿遁」離開。有顧客稱，該公司竟派職員陪去廁所，就算逃出「魔掌」，仍被「奪命追魂call」call爆手機。另外，當成為該公司客人後，職員就會以各種各樣的理由，要求客人一次過購買多次療程，往往消費數萬元。消息稱，該公司在開曼群島註冊，而每間分店均以不同名稱獨立註冊，任何一間分店捲入事端，其他分店也不受牽連。昨晚，DR即在網頁發「免責」聲明，而該公司代言人胡渭康則向本報記者表示：「我同佢哋仲有幾個月合約，雖然我係代言人，但唔係樣樣產品都試過，我只試過facial，聽講今次出事產品係新嘢。我希望三位女事主快啲好返，我送祝福畀佢哋。」《蘋果》記者