鍾嘉欣被網友喻為女版吳尊，昨日她首度與吳尊在銅鑼灣時裝活動碰面，猶如失散兄妹重聚，鍾嘉欣也笑言懷疑是失散多年的哥哥，兩人大呼似樣，歡迎合作拍戲演兄妹。鍾嘉欣更提議做組合唱歌，她全程表現興奮，活動後還捉實「大佬」吳尊玩自拍。
鍾嘉欣年前被封女版吳尊 ，昨日她與吳尊終在銅鑼灣時裝活動同場，上演一幕失散兄妹重聚，鍾嘉欣捧上蛋糕，賀下周33歲生日的吳尊。
見吳尊前鍾嘉欣已大呼興奮，但碰面則感覺奇怪：「話似樣傳咗四年，終於見到，最似係下半部份，下巴、鼻同細細嘅嘴，諗起有個同自己一樣嘅人都好笑。」她笑說：「懷疑佢係失散多年嘅哥哥，朋友都話似，要返去問媽咪，有諗過剪短頭髮，但拍《老友狗狗》時短髮俾人認錯，唔敢剪。」
開戲扮兄妹
鍾嘉欣又讚吳尊靚仔，兩人樣貌相似覺得是讚美，還希望合作：「想組個組合一齊唱歌，開戲扮兄妹都得，見到可能會提出合作。」活動後她更熱情地邀吳尊玩自拍。
吳尊謂對鍾嘉欣有少許特別的感覺，覺得二人有少少相似，感覺最似，自爆被鍾嘉欣緋聞男友林峯指似樣：「之前同林峯拍戲，佢有講，鄭伊健都覺。」講到合作，吳尊謂演兄妹都不錯。他下周回台灣與粉絲開生日派對，可能與飛輪海成員見面，願望是開心過日子及世界和平，問到是否想拍拖？他說：「唔好，拍戲冇時間。」
未認定伍允龍
此外，鍾嘉欣前晚在《勁歌金曲》演繹冠軍歌《預防針》，其母最近從加拿大來港，問她會否安排男友伍允龍見家長？鍾嘉欣指媽咪忙於幫她報稅及煲湯。問到何時結婚？鍾嘉欣說：「呢啲嘢要睇定先，我怕會揀錯，喺感情方面我係一個慢熱嘅人，希望可以拍拖了解多啲。」
採訪：林嘉慈、卓寶花
攝影：黃偉雄、陳慧安