老問題，「我同你阿媽跌咗落水，救邊個先？」國慶海難後相信冇人再問呢條戇居問題，大難當前，先救誰根本冇選擇，有負傷救人的水警，有未戴好潛水裝備就落水的蛙人，仲有識水性的乘客，人人都爭分奪秒同閰羅王搶人。
世界各地都有混飯吃的紀律部隊，菲律賓人質事件見特種部隊無勇無謀，日本亦發生過警察遇上暴徒反被追住跑，所以本港救援隊伍有如此出色表現，絕不能視為理所當然，在水流湍急的險境，明知以身犯險也只好「X那媽，頂硬上」。
這句Samantha從未敢說出口，但恰恰體現逆流而上的港人精神。內地企業可以因國策之名獲得巨額補貼，縱然港企9年來受惠自由行，假如大家樂（341）不推一人一鍋，只做焗豬扒飯；奇華只做餅而不省靚招牌；寶光（084）只做代理不發展自家品牌，就算阿爺出手打救，在激鬥下都捱唔到今時今日。大市近日難炒，股民又何嘗不是「X那媽，頂硬上」。今日靜待美國出埋就業數據，下周先再戰過！
Samantha
本欄逢周一、三、五刊出