女人係最矛盾嘅動物，由朝到晚都話減肥，但見到甜品又忍唔到口！若你都係呢種矛盾動物，咁記住近排見到Haagen-Dazs嘅話，麻煩迴避吓，以免出現增磅呢個嚴重後遺症！點解？Haagen-Dazs最近推出「魔幻一刻」系列雪糕甜品，樣靚外，仲有魔法效果！以「火焰奇遇」為例，表面係圓碌碌嘅朱古力球，淋上熱伏特加後，球入面嘅九款雪糕即刻現身，伏特加香已經好正，再混合72%比利時朱古力，溶化後的朱古力漿，其香與味都提升至另一層次，主角雪糕簡直俾佢搶晒鏡！同系列仲有甜品「彩動心弦」同埋雪糕蛋糕「魔幻奇程」。講真，今次嘅雪糕甜品咁有gimmick，仲要推廣期有限，食完肥咗少少都值得嘅！查詢：2629 6116（Haagen-Dazs）