惠天賜的妹妹惠英紅最近接受有線節目《星級會客室》訪問，大談感情生活及當年自殺的經歷。
冇男人夠膽追
小紅姐透露90年代因無法適應事業轉變而患上抑鬱症，她說：「冇辦法接受做咗咁多年第一女主角，突然要做人哋阿媽、阿姨，於是推咗幾部戲，推推吓就開始冇人搵我。」小紅姐憶述當日抑鬱的情況：「我一個人匿埋喺間房成個月，唔冲凉、刷牙、洗面，淨係攤喺張床度，避開晒屋企人。」原來她曾仰藥自殺，幸好鍾慧冰機警救回她。提到感情生活，小紅姐更滿臉通紅，她自爆已有十多年沒有人追求：「由始至終啲人都覺我好強，當年我俾人飛，飛我嗰個人話：『我都唔知同個兄弟拍拖，定係同女朋友拍拖。』」撰文：林妃