謬波豪飲嘅Paulaner係德國慕尼黑最大嘅啤酒公司出品，「慕尼黑啤酒節」一定會見到佢，而佢喺德國亦開設最多啤酒館，1994年起嚟亞洲開啤酒館。謬波咁識飲，為咗引證呢隻啤酒有幾掯，八方同事日前再去到謬波醉駕現場，點番呢款生啤（之後當然唔會揸車啦，酒後駕駛累己累人嘛）。同事叫呢隻啤酒時，侍應有問要濃定冇咁濃嘅，記者就跟謬波叫濃嘅，即係酒精濃度多約6%。同事話，隻啤酒好易入口，一啲苦澀味都冇；雖然好飲，但正如有人話飲香檳反而易醉嘅道理一樣，因為易入口，會不自覺咁越飲越多。謬波咁有信心話自己並無醉駕，咁不如公開試飲多次，再吹波波畀大家睇吓，以證清白囉。